قصيدة تعليمي راح للشاعر زكي بدر

اذهب الى الأسفل

قصيدة تعليمي راح للشاعر زكي بدر

مُساهمة من طرف Zico في الإثنين يوليو 28, 2014 5:14 pm

قصيدة تعليمي راح للشاعر زكي بدر


تعليمي راح
وانا فرحان
ياسلام  لما اقعد في بيتي
وانسى ادور على الي راح


فرحان بغبائي
أني بقيت شعب 
من التعليم
مش لاقي


ياسلام واكتر كمان
ادخل الحصة 
وملاقيش مدرس بيشرح
والعب من تاني


اصل طريقة التعليم
مش حلوة
المدرس بيشرح بطريقة
تقرف منها وتزهق بسرعة


هما اصلهم
مش عارفيين
أننا في عصر التكنولوجيا
والسرعة


الواحد لما يشوف اليابان
يسرح بخياله ويقول
أيوة هو ده التعليم
الي عايز منو كمان


واحنا عايشيين في الاحلام
نلعب جيمز واكتر شوية
فكك من ده تعليم
فكك بقى من الطريقة دية


والامتحانات
ما شاء الله عليها
تبص في الورقة
تلاقيها بيضة ياختي عليها


يقولك اصلها صعبة
ومش قادر احلها
اصلي مشفتش في العالم زيها
بيخدع نفسه بكلمتين
وهو اصلاَ معرفش يحلها


بنحب الغش
ومين فينا محبهوش
لما الورقة تيجلك ع الدسك
هتقولي يعني أحبوش


ولما يكبر 
ويروح يشتغل
يتعلم لغة يشتغل بيها
اصل تعليمه ملهوش لازمة
وشهادته عمل اي بيها


تشوف المهندسين 
بيسوقوا تكتك
ويقولك أتفضل يا بيه
بقالي سنين مش لاقي شغل 
ادور عليه




علمونا في المدارس
ازاي نحفظ ونحل
معلموناش ازاي نفهم
ازاي نخترع الحل وندَرس


ده الطفل البسيط
لو اكتشفت مواهبه
بيطلع عالم 
وتنبهرالناس بعمايله


عاوزين نشوف
منهج نظيف
مش مجرد عك
وتألييف


منهج نفهمه الاول 
ونحفظه اكتر من الاول
منهج نستفيد بيه
وهو ده الي ندور عليه


مش عاوز استغلال
ودروس خصوصية
ومش لازم اشرح في 
المدرسة دية


واخد انا فلوسي 
ويمكن 
ادور على شغلانة
تانية


ياعم اشتغل براحتك
وكل عيش
بس متنساش ضميرك
ومستقبل الناس ديهَ


لما تدي حقهم 
ربنا هيديك حقك
واكتر شوية
وهتنبسط قوي وهتطلع ناس قوية


نهاية الحكاية
خاف الله
و أدي  الناس حقها
وتعليم نتعلم منه
وننور بيه العالم ديَ




قلم : زكي بدر


 +15 




avatar
Zico
•°o.O نائب مدير عام O.o°•
•°o.O نائب مدير عام O.o°•

ذكر
عدد المساهمات : 5172
نقاط : 50003
النشاط : 3012
العمر : 23

http://www.aircold4ever.net

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى