حكاية خالتى تحية

اذهب الى الأسفل

حكاية خالتى تحية

مُساهمة من طرف koky.adel في الأحد أغسطس 08, 2010 1:47 am

خالتى تحية
مش مجرد ست عادية
ومن امتى الست المصرية ست عادية
طول عمرها بألف ست
ولا تعرف خوف ولا تعرف ضعف
تخاف على بيتها وعيالها
وتسمع كلام راجلها
ولا تشمت فيه ولا فيها حد
ست يحلف بيها التاريخ
يحلف على حق
ماهو مين اللى يختشى م الحق
وخالتى تحية جوه دارها مدراية
مشغولة فى البيت والعيال
ميهمهاش مين حكى ومين قال
يا بنى خلينا ف حالنا
كل حى وله موال
ودايما تصحى م الفجرية
تأكل فراخها
وتسقى بهايمها
وتحضر الفطار
وتبتدى حصة النقار
قومى يا بنت اصحى يا واد
ماتغلبونيش
ده اللى يغلب أمه يخش النار
اصحوا الجرس ضرب
والشمس ملت الدار
يا عيال اصحوا خلص النهار
اصحوا خليكوا شطار
خالتى تحية تحس انها ف دنيا لوحدها
وعمره ما يخلص صبرها
ومالهاش دعوة بحد
حتى لو قدام دارها ألف حد
وفى المندرة ميه
مشغولة ببيتها ملكوتها
وربك منور بصيرتها
ماهى لاتبطرت مرة
ولا كرهت مرة عيشتها
أحسن من غيرنا كتير أقله
بناكل كل جمعة فطير
وعندنا فرشة وسرير
ربنا يكون فى عون الغلابة
ده فى اللى مش لاقيين حق الطعمية
وتبوس ايدها وش وضهر
وتقوم تصلى الضهر
ولو غابت عن الصالة شوية
تلاقيها ف أوضة جوانية
تسأل سؤالها اللى مالوش أخر
يا ترى أطبخ ايه
والفلوس هتقضى
ومعاى كام جنيه
وتسرح
العيال اشتاقوا للزفر
كلها شهر والطير يكبر
والخير يبقى مطر
ابوهم فلاح غلبان
وده النصيب وده القدر
وتفتكر تسرح تانى
الواد الكبير عاوز جزمة
اه منه ابو مخ جزمة
كل يوم يعيط ويعمل لمة
وأبوه مفلس معاهوش
يادى الحوسة ويادى الأزمة
والمضروبة عاوزة توكة وشنطة
تتعايق وتغيظ بطة
وانا لوقلت لابوها
لا مش هأقوله
الجدع مش ناقص نقطة
يادى الشيلة ويادى الحطة
اه يا زمن
امتى هتجرى
وتعدى بحر المحن
ونفرح بعد الشقى
ونغنى بعد الشجن
تعرف نفسى قبل ما أموت أحج
بس الأول أجوز العيال
تفتكر هيجى اليوم ده يا واد
ويبقى لنا مع السعد معاد
ياه ده انا ساعتها
يمكن اموت م الفرحة
أما شوف نوسة لبسة الطرحة
عارف قرب هنا لا الحيط يسمعنا
حلمت عمن اول
انى راكبة عربية
ومعاى فلوس كتير
وعندى مية جلبية
اوعى اياكى تحكى الحلم لحد
عارف انك عاقلة
بس برضه
مش عاوزة مشاكل
خلى سرى ف بير
لجوزى يقول اتجننت
وهتلبس طراطير
ياه ده الليل دخل
تتعشى معاى
عندى جبنة وجرجير
فضل ونعمة وخيره كتير
وتزغدنى ف كتفى وتكمل
سيبينى أحلم هى الاحلام بفلوس
يمكن الحظ يصادف مرة المتعوس
والبخت يجيله بألف فانوس
الا صحيح قولى يا محروس
أمك بقالها جمعتين ما طلتش
على رجليها نقش الحنة
طب انا مشغولة وايدى مش فاضية
وهى قاعدة عايقة ورايقة
قولى بس وراها ايه
تهجر بيتى ما تبص عليه
يارب تكبر يا ابن أختى واشوفك بيه
مش زى ابن شوقية جته ايه
عشان مسك الورقة ام جنيه
من يومها ما طل على
ولا ندرته يوم بعنيه
ربنا يسهله بس برضه زعلانة منه
المهم اخبارك ايه
وكنت جاى ف ايه
وده كان حال خالتى تحية زمان
ايام ما كانت نص الحاجة شكك م الدكان
دلوقتى العيال كبرو وراحوا اطاليا
ومسكت الورق ابو ميه
وتهزر مع الجارة معاكى فكة 100 يورو
يووووه دورى كويس يا وليه
والحال اخر تمام
والدهب ف ايدها لحد الكيعان
ونسيت الحزن
وبتضحك على دى ايام
وتغمزنى
شفت عزال نوسة
غظت بيه الاعادى والجيران
والكفر مشى يكلم نفسه
ويقول ده شغل جنان
ربك خيره كتير
ليه ابخل على بنتى
وابيت جوزها زعلان
وناوية اطلع الحج كل عام
واطلع عمرة رمضان
وازور النبى العدنان
عليه الصلاة والسلام
واخد الرجل معاى كمان
حقه يفرح بقى
طول عمره شقيان
صحيح الزكى بيطلع امتى
قصدى ف شهر كام
وعاوزة اتبرع للأيتام
صحيح يا عين خالتك تتعشى
ما تقوليش شبعان
دافية رز وحاشية حمام
واكل خسارة
يابنت
هاتى الخوخ والرمان
والكيكة وبلح الشام
اجيب لك رز بلبن فى والله كمان
كله من خير الرحمن
بصراحة مقدرتش امسك روحى
وفاض بى وطلعت روحى
م الضحك انا زورانة
فضحكت لما شبعت
وقلت الله عليكى يا خالتى
والله زمان
غضبت بسرعة وقالت
اخص عليك يا جبانة
بتعايرينى بليالى زمان
وتفكرينى باللى كان
امشى قومى من هنا
يابت انتى يابت
هاتى دوا النسيان
الواد عكر دمى
اه منه ابن الايه
لو يعرف بحبه قد ايه
وانه ساكن دمى
سمعتها وانا خارجة
قلت متزعليش
دة احنا كلنا بنحبك والنعمة كمان
[img][/img]
avatar
koky.adel
––––•(-• عضو فعال •-)•––––
––––•(-• عضو فعال •-)•––––

انثى
عدد المساهمات : 18
نقاط : 32976
النشاط : 0
العمر : 41

http://www.myyearbook.com/koky5000

الرجوع الى أعلى الصفحة اذهب الى الأسفل

رد: حكاية خالتى تحية

مُساهمة من طرف Max_sun في الأحد أغسطس 08, 2010 2:35 pm

احلى خواطر جميله اوووى تسلم ايدك ياكوكى
avatar
Max_sun
 
 

ذكر
عدد المساهمات : 2857
نقاط : 47875
النشاط : 5009
العمر : 25

http://www.aircold4ever.net

الرجوع الى أعلى الصفحة اذهب الى الأسفل

رد: حكاية خالتى تحية

مُساهمة من طرف mena في الأحد سبتمبر 19, 2010 9:32 pm

ماشى يا خالتى فتحية

رائعة يا كوكى


avatar
mena
^~*¤©[£] المراقب العام [£]©¤*~^
^~*¤©[£] المراقب العام [£]©¤*~^

ذكر
عدد المساهمات : 3395
نقاط : 45975
النشاط : 2005
العمر : 27

http://www.aircold4ever.net

الرجوع الى أعلى الصفحة اذهب الى الأسفل

رد: حكاية خالتى تحية

مُساهمة من طرف baderbayaa في الأربعاء سبتمبر 29, 2010 6:51 pm

حلللوة كتير خرج تنعمل غنية 






avatar
baderbayaa
مشرف قسم المسابقات والالعاب الاعضاء

ذكر
عدد المساهمات : 989
نقاط : 33809
النشاط : 2
العمر : 23

الرجوع الى أعلى الصفحة اذهب الى الأسفل

رد: حكاية خالتى تحية

مُساهمة من طرف lolyan في الأحد فبراير 13, 2011 12:58 am

حلوة اوى ميرسى






avatar
lolyan
•°o.O مشرفة قسم المواقف والطرائف O.o°•

انثى
عدد المساهمات : 682
نقاط : 33874
النشاط : 999
العمر : 25

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى